Valmynd Leit

Ţemis

Þemis

Þemis, félag laganema við Háskólann á Akureyri

Félagið var stofnað vorið 2004 og var Ingólfur Friðriksson kosinn fyrsti formaður þess. Á fyrsta formlega aðalfundi félagsins sem haldinn var í febrúar 2005 öðlaðist félagið svo loks nafn sem fengið var úr grísku goðafræðinni en Þemis var gyðja réttlætis í grískri goðafræði og var hlutverk hennar einna helst að halda verndarhendi yfir allri lögbundinni skipan, bæði með guðum og mönnum.

Þemis var lengi undirfélag Kumpána en varð sjálfstætt undirfélag FSHA (Félags Stúdenta við Háskólann á Akureyri) eftir aðalfund félagsins í mars 2009.

Þemis er hagsmunafélag laganema við deildina auk þess sem stjórn félagsins sér um að skipuleggja viðburði fyrir félagsmenn.

Nýstofnað málfundafélag Þemis hefur veg og vanda af reglulegum málfundum í vetur þar sem laganemum gefst kostur á að auka færni sína í málflutningi og ræðumennsku. Á síðasta starfsári tók lögfræðiráðgjöf Þemis einnig til starfa. Þá er tímaritið Lögfræðingur gefið út á vegum Þemis og er tilgangur útgáfunnar m.a. að auka umræðu á lögfræðilegum álitaefnum sem efst eru á baugi í íslensku þjóðlífi hverju sinni.

Stjórn Þemis mun leggja sitt að mörkum til að félagslíf stúdenta sé bæði fjölbreytt og skemmtilegt. Farið verður í vísindaferðir í fyrirtæki og stofnanir, haldin verða bjórkvöld, fjölskyldudagur, Lagaleikar Þemis og aðrir skemmtilegir viðburðir og reynt verður að koma til móts við sem flesta í þeim efnum. 

Ertu með spurningu eða athugasemd? Sendu okkur póst!


Félag stúdenta viđ Háskólann á Akureyri

Sólborg v/norđurslóđ
              kt. 420888-2799         

600 Akureyri, Iceland              fsha@fsha.is              S. 460 8094 / 840 8030
 

Skráđu ţig á póstlistann