Þemis - Fréttaveita

Málfundafélagi Þemis ýtt úr vör

Þemis - Félag laganema — Sat, 28 Jan 2012 18:11:00 GMT

Kæru Þemis félagar! Í lok nóvember árið 2011 var Málfundafélag Þemis stofnað. Markmið félagsins er að halda málfundi, skipuleggja málflutningskeppnir innan lagadeildar skólans og halda utan um aðra atburði. Í hinu nýstofnaða félagi höfum við tekið ákvörðun um að hefja starfið á skemmtilegum og spennandi málfundi! Fundurinn verður haldinn föstudaginn 3. Febrúar kl 11:00 í stofu K-201 Umræðuefni: Pyntingar – geta þær verið réttlætanlegar? Frummælendur: Henný Lind Halldórsdóttir og Húni Heiðar Hallsson Meðmælandi: Henný Lind, meistaranemi í lögfræði við Háskólann á Akureyri Mótmælandi: Húni Heiðar, sjálfstætt starfandi sérfræðingur á sviði heimskautaréttar og stundakennari við lagadeild Háskólans á Akureyri Eftir að frummælendur hafa lokið máli sínu gefst þeim tækifæri á stuttu mótsvari, að því loknu gefst gestum fundarins tækifæri á því að tjá sig um málefnið. Fundurinn tekur um klukkustund. Við vonum að sem flestir sjái sér fært að mæta á þennan fyrstu málfund – þetta verður áhugavert og skemmtilegt! Stjórn Málfundafélag Þemis Fellow law students! Last November, Þemis founded a moot court society whose aim is to practice speeches and debates. The aim of the club is to hold debates on legal matters, moots within the faculty and other related events. We are starting the society off with a debate, which will be held at 11 o’clock, Friday the 3rd of February in classroom k-201. Topic: Torture - are they ever justifiable? Promoting the notion will be Henný Lind Halldórsdóttir, master student at the University of Akureyri. Denying the notion will be Húni Heiðar Hallsson an independent expert on polar law and a part time teacher at the University of Akureyri. After the presentation of the opposing arguments anyone can pose their own arguments on the topic. All the best, Stjórn Málfundafélags Þemis

Stofnun Málfundafélags Þemis

Þemis - Félag laganema — Wed, 30 Nov 2011 12:39:00 GMT

Í dag 30. nóvember var málfundafélag Þemis stofnað á sérstökum stofnfundi. Á fundinum var félagið formlega stofnað, hlutverk þess kynnt og bráðabirgðastjórn kjörin sem mun sitja fram að næsta aðalfundi. Í stjórnina voru kosnir þrír einstaklingar; formaður, ritari og fjármálafulltrúi. Fjórir buðu sig fram í stjórn en kjörnir voru; Þuríður Pétursdóttir formaður, Ólöf Heiða Óskarsdóttir fjármálafulltrúi og Sigurjón Njarðarson ritari. Við óskum þeim innilega til hamingju. [english version] This morning 30th November a moot court society was established on a special initial meeting. On the meeting the society was formally established, it's role was introduced and the first board of the moot court society was elected. Three people were elected; Þuríður Pétursdóttir chairman, Ólöf Heiða Óskarsdóttir financial manager and Sigurjón Njarðarson secretary. Kveðja, stjórn Þemis

Norðurslóðasamstarf Íslands og Noregs

Þemis - Félag laganema — Thu, 13 Oct 2011 09:57:00 GMT

Mynd: Stefán Erlingsson. Þann 29. september síðastliðinn, undirrituðu Össur Skarphéðinsson, utanríkisráðherra Íslands og Jonas Gahr Støre, utanríkisráðherra Noregs, samstarfssamning milli Íslands og Noregs um norðurslóðamál. Samningurinn felur m.a. í sér að norðmenn munu kosta prófessorstöðu í norðurslóðafræðum við Háskólann á Akureyri. Af þessu tilefni opnaði utanríkisráðherrann einnig sýningu um norska heimskautafarann og vísindamanninn Fridtjof Nansen. Sýningin er opin öllum í nýbyggingu Háskólans á Akureyri. Myndin að ofan er tekin í Hofi, eftir undirritun samningsins. Á henni má sjá Jonas Gahr Støre utanríkisráðherra Noregs og Ágúst Þór Árnason brautarstjóra lagadeildar Háskólans á Akureyri ásamt hópi laganema við háskólann.

Bjórkvöld Þemis

Þemis - Félag laganema — Thu, 08 Sep 2011 16:14:00 GMT

Bjórkvöld Þemis verður haldið annaðkvöld, föstudaginn 9.september, á Brugghúsbarnum. Bjór og fleira í boði og hefst gleðin á slaginu 21! Laganemar fjölmennið, við viljum sjá ykkur öll annaðkvöld. Tilvalið að mæta í bjór og hrista saman hópinn í leiðinni. Sjáumst þar :D

FSHA límmiðar ofl.

Þemis - Félag laganema — Tue, 06 Sep 2011 19:05:00 GMT

Við viljum minna alla nemendur að sækja sér nýjan FSHA límmiða á nemendaskírteinin sín. Það verður tekið strangt á því í vetur að allir þeir sem ætla að nýta sér tilboð og þ.h. sem er á vegum FSHA séu með nýjan miða! Miðana má nálgast í afgreiðslunni í andyrir skólans og á skrifstofu FSHA. Upplýsingar um afslætti og tilboð er að finna http://www.fsha.is/fsha/afslaettir/ og verður þessi síða uppfærð innan tíðar og svo alltaf reglulega eftir því sem þarf. Svo viljum við einnig minna alla á að taka kvittanir/strimla þegar þeir versla sér eitthvað frá Vífilfelli í Vínbúðinni og koma þeim til okkar. Þeim mun fleiri kvittanir/strimlar sem við skilum inn, þeim mun meiri bjór/gos handa okkur ;)

Nýnemadagar Þemis

Þemis - Félag laganema — Tue, 16 Aug 2011 13:33:00 GMT

Senn líður að skólabyrjun og er allt í fullum undirbúningi fyrir komandi vetur. Við ætlum að starta haustinu með nýnemadögum líkt og tíðkast hefur. Almenn kynning á lagadeildinni fyrir nýju laganemana okkar verður haldin klukkan 10, þriðjudaginn 23.ágúst í stofu M-201. Allir nýnemar eru hvattir til að mæta. Þemis heldur svo árlegt nýnemakvöld, sem að þessu sinni verður haldið á Pósthúsbarnum, 25. ágúst og hefst fjörið klukkan 20. Þar verður bjór og gos í boði ásamt smá snarli. Nýnemakvöldið er hugsað til að hrista saman hópinn og kynna bæði deildina og félagslífið frá sjónarhorni nemenda. Eldri nemar eru einnig hvattir til að taka þátt í nýnemakvöldinu og viljum við sjá sem flesta á Pósthús um klukkan 22 þegar nýnemakynningin er búin. Hlökkum til að sjá ykkur öll og njótið þess sem eftir er af sumrinu :) Minni á facebook-síðu Þemis: https://www.facebook.com/profile.php?id=100000248795362 Og Þemis hópinn, skráið ykkur endilega! https://www.facebook.com/groups/163214673731984/

Stjórn Þemis 2011/2012

Þemis - Félag laganema — Tue, 29 Mar 2011 16:55:00 GMT

Nú hefur verið ákveðið hvernig embættum skal skipt á milli stjórnarmeðlima Þemis 2011/2012. En það mun vera svo: Kolbrún Eva er, eins og fyrr hefur komið fram, nýr formaður Þemis. Auðun Daníelsson mun skipa embætti varaformanns, Hjördís Olga er ritari og Ölvir Karlsson er nýr gjaldkeri. Við vonumst eftir ánægjulegu samstarfi við ykkur nemendur góðir, sem og aðrir og minni ég á að ef eitthvað liggur ykkur á hjarta hvað varðar námið, félagslífið eða hvað sem er annað, þá endilega leitið til okkar og við gerum hvað við getum til að hjálpa. Svo vil ég minna á Lagaleika Þemis, sem haldnir verða þann 1.apríl. Atburður sem enginn alvöru laganemi má missa af! Vonandi allir farnir að huga að liðum til að keppa fyrir hönd síns árs. Ætli mastersnemar verji titilinn í ár? Fyrir hönd Þemis, félags laganema við Háskólann á Akureyri Hjördís Olga

Ný stjórn Þemis

Þemis - Félag laganema — Wed, 23 Mar 2011 14:10:00 GMT

Á aðalfundi Þemis 22.mars var ný stjórn kosin. Nýr formaður er Kolbrún Eva Ríkharðsdóttir og í almennri stjórn eru Auðun Daníelsson, Hjördís Olga Guðbrandsdóttir og Ölvir Karlsson, en við erum öll að klára 2. ár. Ekki hefur verið skipt niður í embætti varaformanns, ritara og gjaldkera en það verður birt um leið og þær upplýsingar verða staðfestar. Þar sem ekki hefur verið ákveðið hver tekur hvaða embætti og einnig vegna þess að Hjördís og Ölvir eru bæði erlendis í skiptinámi, mun Kolbrún gegna embætti gjaldkera þar til þau mál skýrast og Auðun og Kolbrún deila með sér ritarastörfum og umsjón með vefsíðu. Ný stjórn hefur hafið störf og fyrsta mál sem verður farið í eru Lagaleikarnir sem verða haldnir strax í byrjun Apríl. Frekari upplýsingar varðandi tíma og dagskrá verða sendar út mjög fljótlega og vonumst við að sjálfsögðu eftir frábærri þáttöku! Við vonumst til þess að samstarfið árið 2011-2012 verði gott og viðburðaríkt og hvetjum við ykkur til að koma til okkar og ræða við okkur það sem ykkur liggur á hjarta :)

Aðalfundur Þemis

Þemis - Félag laganema — Mon, 21 Mar 2011 14:30:00 GMT

Þemis boðar til aðalfundur sem haldinn verður miðvikudaginn 22. mars næstkomandi í K-202 klukkan 12:00. Veitingar verða á boðstólnum á meðan á fundi stendur. Dagskrá verður sem hér segir: 1. Fundur settur. 2. Kosning fundarstjóra. 3. Kosning fundarritara. 4. Skipun kjörnefndar. 5. Skýrsla formanns. 6. Skýrsla gjaldkera og afgreiðsla reikninga. 7. Lagabreytingar. 8. Kosninga 4 nemenda í stjórn. 8.1 Kosning formanns 8.2. Kosning þriggja stjórnarmanna 9. Kosning í önnur embætti 9.1 Kosning ritstjóra Lögfræðings 9.2 Kosning aðstoðarritstjóra Lögfræðings 9.3 Kosning skoðunarmanns reikninga 9.4 Kosning fulltrúa Þemis í skemmtinefnd FSHA 9.5 Kosning fulltrúa Þemis í náms- og matsnefnd lagadeildar 10. Önnur mál. 10.1 Kosning fjármálafulltrúa Lögfræðings 11. Stjórnarskipti. 12. Fundi slitið. Auglýst er eftir framboðum í embætti formanns, þriggja almennra stjórnarmanna, setu í náms- og matsnefnd, fulltrúa í skemmtinefnd og skoðunarmanns reikninga. Jafnframt er auglýst eftir framboði í þrjár stöður í ritstjórn Lögfræðings. Tekið er á móti framboðum í embætti og tillögum til lagabreytinga á netfangi félagsins, themis@fsha.is, sem og á fundinum sjálfum. Stjórn Þemis

Nýsköpunarsjóður námsmanna - opið fyrir umsóknir - Fréttir Nýsköpunarmiðstöðvar - Nýsköpunarmiðstöð.

Þemis - Félag laganema — Tue, 15 Feb 2011 11:33:00 GMT

Næsti umsóknarfrestur í Nýsköpunarsjóð námsmanna er 7. mars 2011 og þurfa umsóknir að hafa borist fyrir kl. 16:00. Markmið sjóðsins er að gefa háskólum, rannsóknastofnunum og fyrirtækjum tækifæri til að ráða námsmenn í grunn- og meistaranámi við háskóla til sumarvinnu við metnaðarfull og krefjandi rannsóknarverkefni. Frá stofnun 1992 hefur sjóðurinn unnið sér nafn og gott orð fyrir vinnu mörg hundruð námsmanna og verkefna sem þeir hafa leyst af hendi fyrir tilstyrk sjóðsins. Á hverju ári er skipuð sérstök dómnefnd sem hefur það vandasama verkefni að velja verkefnin sem hljóta tilnefningu til Nýsköpunarverðlauna forseta Íslands og verðlaunaverkefnið sjálft. Verðlaunaafhendingin fer fram á Bessastöðum í febrúar. Nánari upplýsingar um framkvæmd og fyrirkomulag er að finna hér